Նորություն
Մանկական նկարչական մրցույթ «Բարեկամության գնացք»
Ամանորյա տոներին «Հարավկովկասյան երկաթուղի» ընկերությունում անցկացվել է «Բարեկամության գնացք» մանկական նկարչության միջազգային մրցույթը, որը կազմակերպել է «Ռուսական երկաթուղիներ» ընկերությունը։
Մրցույթի նպատակն էր նպաստել երեխաների ստեղծագործական գործունեության զարգացմանը, ստեղծել բարենպաստ պայմաններ ստեղծագործական ինքնաիրացման և մշակութային զարգացման համար, ինչպես նաև հանրությանը ներկայացնել երկաթուղային մասնագիտության դրական կերպարը:
Սահմանված չափանիշների համաձայն՝ մրցույթին հրավիրվել են ռուսաց լեզվի խորացված ուսուցմամբ հանրակրթական ուսումնական հաստատություններ։ Ընտրվել է երեք դպրոց, որոնցից երկուսը գտնվում են Երևանում, ինչպես նաև Ֆիոլետովո գյուղի դպրոցը, որը երկար տարիներ հովանավորվում է ՀԿԵ-ի կողմից։
«Օգտվելով առիթից՝ ցանկանում եմ շնորհավորել Ձեզ գալիք Ամանորի կապակցությամբ։ Թող այս կախարդական տոնը ուրախություն, ժպիտներ և ոգեշնչում բերի ձեր սրտերին: Մենք հիանում ենք ձեր տաղանդով և երևակայությամբ, որը դուք դրսևորել եք ձեր նկարներում: Թող յուրաքանչյուր նոր տարի ձեզ համար լինի վառ գաղափարների, ստեղծագործական հայտնագործությունների և անմոռանալի պահերի ժամանակաշրջան: Մաղթում ենք ձեզ առողջություն, երջանկություն և հրաշքներ, ինչպես նաև նորանոր ձեռքբերումներ և հաղթանակներ։ Թող իրականանան ձեր երազանքները, և թող Ամանորի կախարդանքը ուղեկցի ձեզ ամբողջ տարի»,- մրցույթի մասնակիցներին շնորհավորեց «Հարավկովկասյան երկաթուղի» ՓԲԸ գլխավոր տնօրենի տեղակալ Սամվել Դանիլովը։
Մրցույթի հաղթողներին և մասնակիցներին հանձնվեցին պատվոգրեր և ամանորյա նվերներ:
