Նորություն
ՀԿԵ գլխավոր տնօրենը և Իրանի ճանապարհների փոխնախարարը քննարկել են երկաթուղային փոխադրումների հարցում համագործակցության հեռանկարները
Մայիսի 24-ին “Հարավկովկասյան երկաթուղի” ընկերության գլխավոր տնօրեն Ալեքսեյ Մելնիկովը հանդիպեց Իրանի Իսլամական Հանրապետության ճանապարհների և քաղաքաշինության նախարարի տեղակալ, Իրանի երկաթուղիների խորհրդի նախագահ Սայիդ Ռասուլիի հետ:
Հանդիպման ընթացքում կողմերը նշել են բեռնափոխադրումների, այդ թվում, մուլտիմոդալ, կազմակերպման հարցում համագործակցության հեռանկերները:
Կողմերը պայմանավորվել են համատեղ աշխատել բեռնատերերի և տրանսպորտային ծառայությունների շուկայի այլ մասնակիցների, հաճախորդները հետ՝ տեղեկացնելով բեռնափոխադրման հնարավորության, առկա տրանսպորտային և լոգիստիկ ծառայությունների մասին, համագործակցել երկաթուղային բեռնափոխադրումների կազմակերպման մեջ ներգրավված երկաթուղիների հետ, ինչպես նաև համագործակցել Իրանից Եվրոպա և հակառակ ուղղությամբ մուլտիմոդալ փոխադրումների կազմակերպման գործում:
Հանդիպման արդյունքներով ստորագրվեց համագործակցության մասին հուշագիր:
